Американскиот претседател Доналд Трамп поттикна нови гласини за неговото здравје. Бил забележан со модринка на десната рака, која наводно се обидел да ја покрие со пудра.
Многумина набрзо почнаа да шпекулираат дека претседателот бил на инфузија поради здравствени проблеми или дека оди на тестови на крвта.
Модрината беше особено видлива кога Трамп во вторникот му го врачи трофејот на фудбалскиот тим на морнарицата.
Сепак, секретарката на Белата куќа, Каролин Левит, негираше какви било здравствени проблеми, велејќи дека Трамп ја добил модрината од – премногу ракување.
„Тој постојано работи и се ракува со луѓето. Претседателот Трамп е човек за народот, тој се ракува со повеќе луѓе секој ден од кој било друг претседател“, рече таа. Ова малку необично објаснување не беше доволно да ги замолчи гласините.
Докторката Ола Отулана зборуваше за се, велејќи дека модрината е последица на „површна траума“.
„Ова може да се случи од секојдневни работи како што се притискање на задниот дел од раката на тврда површина, повторен притисок – на пример при потпирање, па дури и од аналгезија како вадење крв“, објасни Отулана за Дејли Меил.
