Актуелниот премиер, Христијан Мицкоски денес имаше излагање на Самитот Македонија 2025 каде што кажа:
-На денешниот Самит 2025 во организација на „Македонија 2025“ истакнав дека првиот ден од стапување на функцијата се соочивме со многу предизвици, но испорачуваме резултати за подобар живот за граѓаните.
Во првата година ни беше приоритет стабилизацијата на државата, бидејќи институциите практично не постоеја, а државата беше во слободен пад. Наместо нереални амбиции, се фокусиравме на заздравување и враќање на системот во функционална состојба т.н. состојба нула. Денес, благодарение на таа стратегија, индикаторите покажуваат дека се движиме во вистинска насока.
Нашата економија има голем потенцијал и веќе постигнавме раст над очекувањата, наместо предвидените 1,8%, БДП порасна за 2,8%. Во последните квартали бележиме стапка над 3%, а за првиот квартал од 2025 година се очекува раст од 3,5 до 4%, што би нè позиционирало меѓу водечките економии во Европа.