Венко Филипче, лидерот на СДСМ порача:
-Младите живеат во држава каде што партиската книшка вреди повеќе од факултетската диплома. Со ВМРО-ДПМНЕ на власт, младите немаат никакви можности за подобра и светла иднина.
На вчерашната трибина „Живеј, не преживувај“, организирана од СДММ, разговаравме за лошите политики на Владата на ВМРО-ДПМНЕ, за проблемите и предизвиците со кои се соочуваат младите.
Оваа влада наместо да креира мерки за младите, креира долгови со кои ги задолжува идните генерации. Младите не смеат да ги враќаат долговите од 7 милијарди направени за бизнис интерес на власта. Дури 50% од младите лекари и студенти заминуваат поради ниски плати и исто толку бегаат од нефункционалниот систем.
Затоа, младите како и досега ќе бидат во фокусот на нашите идни политики и програми. Нашата цел е да создадеме систем каде што младите ќе напредуваат со квалитет и идеи, а не со партиска припадност.