Актуелниот градоначалник на Општина Ѓорче Петров, Александар Стојкоски сподели:
Денес, заедно со началникот на СВР Скопје, г-дин Сашо Топаловски, извршивме увид на неколку критични сообраќајни точки на територијата на Општина Ѓорче Петров.
На терен, директно идентификувавме делови каде што безбедноста на сите учесници во сообраќајот е загрозена — особено на пешаците и децата.
Договоривме конкретни мерки:
Поставување надзорни камери на ризичните локации, кои ќе можат да евидентираат прекршоци како брзо возење, незаконско престигнување, минување на црвено и друго неодговорно однесување.
Поставување на успорувачи на брзина на делови каде што граѓаните веќе имаат поднесено барања и каде што постои реална потреба. Безбедноста не е привилегија – таа мора да биде стандард!
Како градоначалник, останувам целосно посветен на создавање на безбедна и уредена средина за сите жители на Ѓорче Петров.
Продолжуваме одлучно и посветено. 👊