Унгарскиот премиер Виктор Орбан изјави дека Унгарија не треба да го усвои еврото бидејќи Европската Унија „се распаѓа“.
Во интервју за економскиот портал EconomX, Виктор Орбан рече дека моменталната каматна стапка на централната банка од 6,5 проценти е „повисока отколку што би можела да биде“.
„Унгарија не треба поцврсто да ја врзува својата судбина со Европската Унија, а усвојувањето на еврото би била најблиската можна врска“, нагласи Орбан. Тој оцени дека намалувањето на каматните стапки ќе дојде „побавно отколку што би сакале“, бидејќи гувернерот на централната банка, Михал Варга, е „претпазлив човек“.